షర్మిల 100వ రోజు పాదయాత్ర ప్రారంభం

రేవేంద్రపాడు (గుంటూరు జిల్లా), 24 మార్చి 2013: శ్రీమతి వైయస్ షర్మిల మరో ప్రజా ప్రస్థానం పాదయాత్ర ‌ఆదివారానికి 100వ రోజుకు చేరింది. శ్రీమతి షర్మిల ఆదివారం ఉదయం గుంటూరు జిల్లా మంగళగిరి నియోజకవర్గంలోని రేవేంద్రపాడు నుంచి పాదయాత్రను ప్రారంభించారు. మరో ప్రజాప్రస్థానం పాదయాత్ర 100 రోజులు పూర్తైన సందర్భంగా వైయస్‌ఆర్ కాంగ్రె‌స్ పార్టీ ‌నాయకులు, అభిమానులు శ్రీమతి షర్మిలను అభినందించారు. కాంగ్రెస్, టిడిపి కుమ్మక్కు కుట్రలపై అలుపెరుగని పోరాటానికి దిగిన శ్రీమతి షర్మిలకు మరింత శక్తినివ్వాలని వారంతా ఆశీర్వదించారు. రేవేంద్రపాడులో ఉన్న మహానేత డాక్టర్‌ వైయస్‌ రాజశేఖరరెడ్డి విగ్రహానికి శ్రీమతి షర్మిల పూలమాల వేసి నివాళులు అర్పించారు.