తాడేప‌ల్లి: వైయ‌స్ఆర్ కాంగ్రెస్ ప్ర‌భుత్వం మ‌త్స్య‌కారుల సంక్షేమానికి పెద్ద‌పీట వేసింద‌ని మాజీ ముఖ్య‌మంత్రి, వైయ‌స్ఆర్‌సీపీ అధ్య‌క్షులు వైయ‌స్ జ‌గ‌న్ మోహ‌న్ రెడ్డి గుర్తు చేశారు. ప్ర‌పంచ మ‌త్స్య‌కారుల దినోత్స‌వం సంద‌ర్భంగా రాష్ట్రంలోని గంగపుత్రులందరికీ వైయ‌స్ జ‌గ‌న్ మోహ‌న్ రెడ్డి మత్స్యకార దినోత్సవ శుభాకాంక్షలు తెలుపుతూ త‌న ఎక్స్ ఖాతాలో పోస్టు చేశారు. ఎక్స్ వేదిక‌గా వైయ‌స్ జ‌గ‌న్ ఏమ‌న్నారంటే.. మ‌త్స్య‌కారుల సంక్షేమం కోసం మ‌న ప్ర‌భుత్వంలో అనేక సంక్షేమ కార్య‌క్ర‌మాలు చేప‌ట్టాం. స‌ముద్రంపై వేట‌కు వెళ్లే మ‌త్స్య‌కారుల స్థితిగ‌తుల‌ను మెరుగుప‌ర‌చాల‌నే ల‌క్ష్యంతో రూ.3,767.48 కోట్ల‌తో 10 ఫిషింగ్ హార్బ‌ర్లు, 6 ఫిష్ ల్యాండింగ్ కేంద్రాల నిర్మాణానికి శ్రీకారం చుట్టాం. వేట నిషేధ స‌మ‌యంలో దాదాపు 1,23,519 మత్స్యకార కుటుంబాల‌కు రూ.10వేల చొప్పున ఆర్థిక సాయం చేశాం. స‌బ్సిడీపై డీజిల్‌లు అందించాం. ఇలాంటి ఎన్నో కార్య‌క్ర‌మాలు చేప‌ట్టాం. ప్ర‌పంచ మ‌త్స్య‌కారుల దినోత్స‌వం సంద‌ర్భంగా రాష్ట్రంలోని గంగపుత్రులందరికీ మత్స్యకార దినోత్సవ శుభాకాంక్షలు అంటూ వైయ‌స్ జ‌గ‌న్ మోహ‌న్ రెడ్డి ట్వీట్ చేశారు.
